Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparyny amala aşyrdy we bu ýerde şäheriň gurluşygynyň ikinji tapgyrynda gurulýan desgalaryň ýagdaýy, şeýle hem «akylly şäheriň» senagat we durmuş düzümlerini ösdürmegiň taslamalary bilen jikme-jik tanyşdy.

Ekologiýa we «akylly öý» standartlary

Megapolisyň gurluşygynyň ikinji tapgyry diňe bir ýaşaýyş jaý gaznasyny giňeltmäge däl, eýsem şäher giňişligini kämilleşdirmäge hem gönükdirilendir. Gurbanguly Berdimuhamedow täze ýaşaýyş jaýlary üçin niýetlenen mebeller, olaryň bezeg aýratynlyklary bilen taňyşdy. Esasy talap — mebelleriň berkliginiň ýokary amatlyk standartlary bilen utgaşmagydyr. Ekologiýa meselesi bolsa esasy ugur bolmagynda galýar: suwy çuňňur arassalaýan ulgamlaryň we energiýa tygşytlaýjy yşyklandyryşyň ornaşdyrylmagy her bir öý üçin kadaly ýagdaýa öwrülmelidir.

Aýratyn ähmiýete eýe bolan binalaryň tebigy aýratynlyklaryna aýratyn üns berildi. Şäheriň täze metjidiniň bezeg işlerine degişli serişdeleriň görnüşleri bilen tanyşyp, türkmen halkynyň Milli Lideri binanyň bezeg serişdeleriniň talabalaýyk seçilip alynmagynyň wajypdygyny, şol bir wagtyň özünde bolsa olaryň uzak möhletleýin we tehnologiýa taýdan kämil bolmalydygyny belledi.

Logistikanyň howpsuzlygy we lukmançylyk klasteri

Alnyp barylýan işler bilen tanyşlygyň dowamynda «Ahalteke atlary» şaýoluny abadanlaşdyrmak we «Polatly» binasyny döwrebaplaşdyrmak boýunça alnyp barylýan işlere degişli şekil taslamalary görkezildi. Ýol düzüminde ünsi esasy ulaglary dolandyrmagyň intellektual ulgamlaryna berildi: ýol yşyklandyryş we belgileriniň ýerleşdirilişi adam faktoryny ýokary derejede göz öňünde tutmalydyr hem-de sürüjileriň we pyýadalaryň howpsuzlygyny üpjün etmelidir.

Lukmançylyk klasteriniň gurluşygynyň işjeň tapgyry dowam edýär — ikinji tapgyryň iň möhüm bölekleriniň biri. Gurbanguly Berdimuhamedow lukmançylyk desgalarynyň gurluşyk hiliniň saglygy goraýyş ulgamyny ösdürmegiň uzak möhletleýin strategiýasy bilen göni baglanyşyklydygyny, bu ýerde döwrebap şäher gurluşygynyň innowasion lukmamçylyk üçin binýat bolup hyzmat edýändigini belledi.

Durmuş meseleleri we «ganatly» bedewler

Şäher ýolbaşçylary bilen geçirilen iş maslahatynda 8-nji mart mynasybetli geçiriljek dabaralaryň meýilnamalary ara alnyp maslahatlaşyldy. Arkadag şäherinde Halkara zenanlar güni diňe bir «Ene mähri» diýen hormatly ada mynasyp bolan eneleri hormatlamak bilen däl, eýsem köp çagaly maşgalalaryň jaý toýlary bilen hem belleniler. Şeýle hem, 2026-njy ýylda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilmeginiň 5 ýyllygy giňden bellenilip geçiler.

Saparyň dowamynda türkmen halkynyň Milli Lideri Ahalteke atçylyk toplumyna baryp, ol ýerde atly gezelenç etdi. Türkmenistanda “Garaşsyz, baky Bitarap Türkmenistan — bedew batly at-myradyň mekany” ýyly şygaryndan ugur alyp, bu ugur boýunça birnäçe halkara çäreleri geçirmek meýilleşdirilýär. Gurbanguly Berdimuhamedow bu çäreleri guramak boýunça degişli görkezmeleri berip, bu işe degişli ugurlar boýunça bilim alýan ýaşlaryň işjeň çekilmeginiň möhümdigini belledi.