Biziň yhlasymyz – adamlary ýakynlaşdyrmak
Habarlar
Makalalar
Media
Anons
Tehnologiýalar
Biz barada
Habarlaşmak üçin
||
“A Date with China — Hytaý bilen duşuşyk” 2025 çäreleriniň çäginde halkara media wekiliýeti 26–28-nji noýabr aralygynda Şençžen şäherine baryp gördi. Şäher innowasiýalaryň, işjeň ýaşaýşyň we dynç alşyň sazlaşykly utgaşýan merkezi hökmünde giňden tanadyldy.
Şençžen şäheriniň Futýan etrabynyň çäginde halkara metbugat wekilleri we mazmun döredijileri dürli görnüşli uçarmansyz enjamlary öz gözleri bilen görmek mümkinçiligine eýe boldylar.
Howadaky innowasiýalar: Dronlar we “Howa taksileri”
Topar Şençženiň pes beýiklikdäki awiasiýa ulgamynyň ösüşi bilen tanyşdy. Sergide dürli maksatlara niýetlenen dronlar görkezildi: çaga oýnawaçlaryndan başlap, beýik binalary arassalamak ýa-da şäher meýilleşdirmesi ýaly hakyky meseleleri çözýän akylly enjamlara çenli.
Daşary ýurt KHBS-niň wekilleri we mazmun döredijileri Şençžen şäheriniň Ýantýan etrabynda pes uçuşly “howa taksilerini” synagdan geçirdiler.
Duýgular Heli-Eastern binasynda has-da ýokary ýetdi — žurnalistler we blogerler Ýantýan kenaryny we portuny pes beýiklikden synlap, “howa taksisi” uçuşlaryny başdan geçirdiler. Lohu etrabynyň wekili dronlaryň eýýäm lukmançylyk ýüklerini daşamakda we medeni syýahatçylykda ulanylýandygyny aýtdy.
Daşary ýurt KHBS-niň wekilleri we kontent döredijileri Şençžendäki Ylymlar we tehnologiýalar muzeýinde gyzykly wirtual hakykaty bilen tanyşýarlar.
Gündelik durmuşda robototehnika we emeli aň
Şençžen Ylymlar we Tehnologiýalar muzeýinde myhmanlara has oýun görnüşli tehnologiýa tejribesi hödürlenildi. Halkara media wekilleri robot goly bilen tennis oýnadylar, AI tehnologiýasy bilen futbol ýaryşyna gatnaşdylar, şeýle-de robot-barista tarapyndan taýýarlanan kofäni dadyp gördüler.
Britaniýaly mazmun dörediji Jeýson Laýtfut we afgan blogeri Haşem Şençženiň “geljegiň dünýäsi” ýaly duýgynyň döredýändigini, robotlaryň ýokary takyklyk bilen işleýändigini bellediler.
Daşary ýurt KHBS-niň wekilleri we mazmun döredijileri Hytaýyň günortasyndaky Guandun welaýatynyň Guanmin etrabyndaky Şençžen beýni we tehnologiýlar barlaglarynyň innowasion merkezinde neýrobiologiýa bilen tanyşýarlar.
Ylym, infrastuktura we dynç alyş
Syýahat dowamynda Guanmin etrabyndaky beýni we tehnologiýa boýunça innowasiýa gözleg merkezinde nerw ylymlarynyň öňdebaryjy üstünlikleri bilen tanyşdylar. Merkez beýni saglygy we garrylyk boýunça ýöriteleşýär, autizm hem-de Alsgeýmer keselini öwrenýär.
Halkara metbugat wekilleri we kontent döredijileri Şençžendäki Baoan kitaphanasynda intellektual kitap sortlaýjy ulgamy bilen tanyşýarlar.
Şençženiň Baoan kitaphanasynda hatda kitap okamak hem innowasiýa bilen utgaşdyryldy: kitaplary yzyna tabşyrmak işi 28 sany “Sýaoçži” atly sortlaýjy-robot ulgamy tarapyndan awtomatlaşdyrylan.
Jemeýji çäre Qianhai Snow World — Aziýanyň iň uly ýapyk gyşky kurortynda tamamlandy. Myhmanlar subtropiki howada gyş sporty bilen meşgullanyp, innowasiýanyň we lezzetiň sazlaşygyny başdan geçirdiler.
ORIENT
