6-njy noýabrda Ak Tamda “Merkezi Aziýa – ABŞ” sammiti (C5+1) – ABŞ-nyň Prezidenti Donald Trampyň Merkezi Aziýanyň bäş ýurdunyň Prezidentleri, şol sanda Türkmenistanyň Prezidenti Serdar Berdimuhammedowyň arasynda möhüm duşuşyk geçirildi.

Agşamky sammit we iş başyndaky agşamky nahary “C5+1” formatynyň iň ýokary derejä göterilmegini alamatlandyrdy we sebitiň ABŞ üçin strategik ähmiýetini nygtady.

Taraplar Merkezi Aziýa ýurtlarynyň özygtyýarlylygy, garaşsyzlygy we çäk bitewüligi ýörelgelerine ygrarlydyklaryny tassykladylar. Bu ýörelge Türkmenistanyň hemişelik Bitaraplygynyň esasyny goýujydyr.

Gepleşikleriň esasy maksady ykdysady hyzmatdaşlygy giňeltmek we Merkezi Aziýa ýurtlarynyň ählumumy ykdysadyýete goşulyşmagy boldy.

Sammitde esasy ykdysady temalar Türkmenistanyň üstaşyr merkez hökmünde bähbitlerine gönüden-göni täsir edýän Hazarüsti (Orta) geçelgesiniň ösdürilmegine goldaw bermek, möhüm minerallar ulgamynda hyzmatdaşlygy çuňlaşdyrmak we sebitde üpjünçilik zynjyrlarynyň durnuklylygyny üpjün etmek ýaly meseleleri ara alyp maslahatlaşmakdan ybarat boldy.

Sammitiň jemleri boýunça resmi bilelikdäki beýanatyň biraz soňrak çap edilmegine garaşylýar we onda maýa goýumlary şeýle hem täze taslamalar boýunça anyk ylalaşyklar beýan ediler.

ORIENT