15-nji maýdan Aşgabat bilen “Awaza” milli syýahatçylyk zolagynyň arasynda yzygiderli awtobus gatnawlary hereket eder
25.04.2025 | 13:10 |
2025-nji ýylyň 15-nji maýyndan başlap, Aşgabat bilen “Awaza” milli syýahatçylyk zolagynyň arasynda yzygiderli awtobus gatnawlary girizilýär. Bu barada “Awtomobil ulag hyzmaty” açyk görnüşli paýdarlar jemgyýetiniň saýtynda habar berilýär.
Gatnaw Türkmenistanyň Ulag we kommunikasiýa agentliginiň ýanyndaky “Türkmenawtoulaglary” agentliginiň bilelikdäki kärhanasy bolan “Awtomobil ulag hyzmaty” açyk görnüşli paýdarlar jemgyýeti tarapyndan guralýar.
Şäherara awtobus ugry boýunça biletleri gatnawyň açylmagyndan 10 gün öňünden “Awtomobil ulag hyzmaty” AGPJ-niň resmi saýtynda (auh.com.tm) we “Şäherara bilet” ykjam gollanmasynda, şeýle hem Aşgabadyň halkara awtomenzilinde we “Awaza” milli syýahatçylyk zolagyndaky “Awaza” söwda merkezinde satyn alyp bolar.
Gatnawlaryň tertibi we biletleri öňünden sargyt etmek boýunça goşmaça maglumatlary sorag-jogap gullugynyň (+993 12) 44-35-30/31 we 44-35-20 telefon beglilerine jaň edip, bilip bolar:
ORIENT news
