Biz ýakynlaşmagy ugur edinýäris

2025-nji ýylyň 20-nji martynda Halkara Olimpiýa komitetiniň (HOK) taryhynda ähmiýetli waka bolup geçdi: ilkinji gezek Guramanyň prezidenti aýal boldy. Bu ýokary wezipä Zimbabweden ýüzmek boýunça iki gezek olimpiýa çempiony Kirsti Kowentri saýlandy. Saýlawlar Gresiýanyň Kosta-Nawarino kurortynda geçirilen HOK-yň 144-nji sessiýasynda guraldy.

Täze prezidenti saýlamak üçin saýlawlaryň diňe bir tapgyry gerek boldy. Onda Kowentri 97 sesden 49 sesi eýeläp, ýeňiş gazanmagy başardy. Ol bu wezipede 2013-nji ýyldan bäri HOK-na ýolbaşçylyk eden Tomas Bahy çalyşdy. Kowentri 2025-nji ýylyň 24-nji iýunynda wezipesine girişer. Saýlawlardan soňky çykyşynda ol özüniň işine guwanyp biljekdigine hem-de komitetiň agzalary tarapyndan bildirilen ynamy ödejekdigine umyt bildirdi.

Kirsti Kowentri diňe bir bu wezipedäki ilkinji aýal bolman, eýsem Afrika sebitiniň ilkinji wekili boldy. Munuň özi HOK-yň inklýuziwlige we köpdürlilige bolan ymtylyşyny beýan edýär. Kowentri Zimbabweniň sport ministriniň orunbasary wezipesini eýeläp, dopinge garşy göreşe işjeň gatnaşdy. Bu bolsa häzirki zaman sporty üçin onuň dalaşgärligini has hem ähmiýetli edýär.

ORIENT news

Foto: ufkims14.ru