Şu gün Halkara howpsuz Internet güni bellenilýär. Ol 2004-nji ýylda Ýewropa komissiýasynyň başlangyjy bilen döredildi.

Bu sene “Bilelikde has gowy Internet üçin” şygar bilen geçirilip, onlaýn-serişdeleriň howpsuz we jogapkärçilikli ulanyşynyň wajyplygy baradaky habarlylygy ýokarlandyrmaga gönükdirilendir. Bu senede dürli çäreler, şol sanda mekdeplerde tematiki sapaklar we sosial ulgamlarda maglumat kampaniýalar geçirilýär.

Internetde özüňi howpsuz alyp barmak boýunça esasy maslahatlar ygtybarly açar sözleriň, köpfaktorly autentifikasiýanyň ulanylyşyny, yzygiderli programma üpjünçiliginiň täzelenmegini we ýükläp alynyşda howpsuzlygy öz içine alýar. Halkara howpsuz Internet güni geljekki nesiller üçin has howpsuz we hormatly sanly gurşawyň döredilmeginiň wajyplygy barada ýatlatma bolup hyzmat edýär.

Her ýyl Internet ulanyjylaryň sany artýar, şol bir wagtyň özünde kiber bulling, hilegärlik we şahsy maglumatlaryň ogurlygy ýaly howplar hem köpelýär. Çagalara we olaryň ata-enelerine bolup biljek howply ýagdaýlary tanamak we olara nähili garamalydygy barada öwretmek möhüm bolup durýar.

ORIENT news