«Türkmenaragatnaşyk» agentliginiň gurnamagynda agentligiň Politehniki orta hünär okuw mekdebinde 2025-nji ýylyň «Halkara parahatçylyk we ynanyşmak ýyly» diýlip atlandyrylmagy mynasybetli maslahat geçirildi.

Maslahata agentligiň edara-kärhanalarynyň hünärmenleri hem-de Politehniki orta hünär okuw mekdebiniň mugallymlary we talyp ýaşlary gatnaşdylar.

Maslahata gatnaşyjylar Türkmenistanyň dünýäde parahatçylygyň, ählumumy howpsuzlygyň hem-de durnukly ösüşiň bähbidine dostlukly, birek-birege ynanyşmak, deňhukukly hyzmatdaşlyk ýörelgelerine esaslanýan gatnaşyklary barada buýsançly çykyş etdiler.

Şeýle hem, durmuşyň ähli ulgamlaryna barha giň gerim bilen ornaşýan tehnologiýalar ulgamyny kämilleşdirmekde hem-de sanly ykdysadyýeti ösdürmekde döredilýän giň mümkinçilikler, bu babatda täze many-mazmuna eýe bolýan halkara hyzmatdaşlyklar barada giňişleýin durup geçdiler.

Maslahatyň ahyrynda aragatnaşyk pudagynyň hünärmenleri ýurdumyzyň halkara abraýynyň has-da artmagy, şan-şöhratynyň belende göterilmegi üçin il-ýurt bähbitli, dünýä ähmiýetli beýik işleri alyp barýan Gahryman Arkadagymyza hem-de Arkadagly Gahryman Serdarymyza alkyş sözlerini aýtdylar.

ORIENT news