Aşgabatda “NomadMania” Ählumumy syýahatçylar bileleşiginiň ilkinji duşuşygy geçiriler

15.01.2025 | 13:30 |

28-nji martda Aşgabat şäherinde “NomadMania” Ählumumy syýahatçylar bileleşiginiň agzalarynyň ilkinji duşuşygy geçiriler. NomadMania bu tehnologiki syýahatçylyk platformasy bolup, ulanyjylara syýahatlaryň ugruny kartada düzmek we meýilnamalaşdyrmak üçin giň gurallar ulgamyny hödürleýär. Bileleşik 35 000-den gowrak dünýäni öwrenýän höwesjeň syýahatçylary birleşdirýär.

Duşuşyga gatnaşyjylar hem-de syýahat etmegi gowy görýänler üçin platformanyň mümkinçilikleri barada maglumatlar taýýarlanylar.

Jikme-jik kartalar: syýahatlary meýilnamalaşdyrmak üçin dünýäniň 1301 sebiti baradaky interaktiw maglumatlar.

Şahsy karta: platforma syýahatlaryň statistikasyny saklap, ýatlamalary düzgünleşdirmäge ýardam berýär.

Jemgyýetçilik özara gatnaşygy: gollanma arkaly pikirdeşler bilen tanyşyp, maslahat alyp we tejribe alyşyp bolýar.

Talyplar üçin talyp haklary: hiç wagt daşary ýurtda bolup görmedikler üçin seýrek mümkinçilik, ýagny dolulygyna maliýeleşdirilýän hyýalyňdaky syýahat etmek mümkinçiligi.

Dalaşgärleri hödürlemek sebit ilçileri tarapyndan amala aşyrylýar.

Bu çäre kime niýetlenen?

Duşuşyk diňe bir höwesjeň syýahatçylar üçin däl, eýsem syýahatçylyk agentlikler üçin hem peýdaly bolar. Olar ählumumy bileleşik bilen hyzmatdaşlygy ýola goýup, müşderilerine syýahat üçin täze mümkinçilikleri hödürläp bilerler.

Çäräniň “NomadMania” Ählumumy syýahatçylar bileleşiginiň Merkezi Aziýa sebitiniň ilçisi Akbäbek Taganowa tarapyndan guralýandygyny bellemeli. NomadMania gollanmasy Google Play-da elýeterlidir.

ORIENT news