Hindistan Respublikasynyň Türkmenistandaky ilçihanasy ýurdumyzyň ýaşaýjylaryny we myhmanlaryny açyk ýoga ussatlyk sapagyna çagyrýar. Giň gerimli sagaldyş çäresi 7-nji iýunda, ýekşenbe güni, Hazar deňziniň ajaýyp kenarynda ýerleşýän «Awaza» milli syýahatçylyk zolagynda geçiriler.

Sport säheri sagat 08:00-da başlap, 09:00-a çenli dowam eder. Asanalary we dem alyş maşklaryny ýerine ýetirmek üçin Balkan welaýatynyň Türkmenbaşy şäherinde ýerleşýän «Tolkun» toplumynyň kenary saýlanyp alyndy. Deňiz howasy we ir säherki gün şöhlesi meditasiýa hem-de saglygy berkitmek üçin ajaýyp şertleri döreder.

Dynç günlerini saglygyna peýdaly geçirmek isleýänler üçin bu ussatlyk sapagy hünärmenleriň ýolbaşçylygynda ýoganyň esasy usullaryny öwrenmäge we tutuş hepde üçin güýç-kuwwat toplamaga ajaýyp mümkinçilik bolar.

ORIENT