Google täze operasion ulgam barada habar berdi

21.12.2024 | 13:45 |

Google korporasiýasy ýörite wirtual we goşulan hakykat enjamlary üçin işläp taýýarlanylan täze Android XR operasion ulgamy barada habar berdi.

Bu ulgam garnitura we smart-äýnekler bilen işleşmek üçin niýetlenip, wirtual we goşulan hakykat, şeýle hem emeli añ integrasiýasyny üpjün edýär.

Android XR täze nesil gajetler üçin açyk we bir nusga getirilen platforma bolup, işläp taýýarlaýjylara belli Android gurallaryny we freýmworklary ulanmak bilen, köpsanly enjamlar bilen utgaşdyryp bolýan gollanmalary döretmäge mümkinçilik berer.

Google ARCore, Android Studio, Jetpack Compose we beýleki tehnologiýalary işledip bilýän bu ulgamy döretmek üçin Samsung we Qualcomm ýaly kompaniýalary bilen hyzmatdaşlyk etdi.

Android XR binýadyndaky ilkinji enjam, ýagny Samsung kompaniýasynyñ garyşyk hakykat garniturasynyñ satuwlaryna 2025-nji ýylda garaşylýar.

Smartfonlar we planşetler üçin Google Play-da elýeterli bolan ähli gollanmalar Android XR enjamlarynda işlär, bu bolsa ulanyjylar we işläp taýýarlaýjylar üçin mümkinçilikleri has-da giñeldýär.

ORIENT news