Balkanabat şäherinde döwlet edaralarynyñ işgärlerine el hereket dilini öwretmek boýunça taslamasyna badalga berildi.

Bu taslama «Ýaş Ýardamçy» hojalyk jemgyýeti tarapyndan Türkmenistandaky Amerikanyñ Birleşen Ştatlarynyñ ilçihanasy bilen bilelikde amala aşyrylýar.

Türkmenistanyñ Balkan welaýatynda ýerleşýän Balkanabat şäheriniñ döwlet gullukçylary üçin tejribeli hünärmenleriñ gatnaşmagynda okuw seminarlary we amaly sapaklar geçiriler.

Maksatnama gatnaşyjylar eşidiş bozulmalary bolan adamlar bilen netijeli aragatnaşyk üçin gerekli bolan hem nazary bilimleri, hem amaly ukyplary edinerler.

Bu taslamanyñ Balkanabadyñ döwlet edaralarynda hyzmat ediş hilini gowulandyrmagyna hem-de döwlet gullukçylaryñ we eşidiş bozulmalary bolan adamlaryñ arasyndaky özara gatnaşygy ýeñilleşdirmegine garaşylýar. Uzak möhletli geljekde bu taslama inklýuziw jemgyýeti döretmekde öz ýardamyny ýetirer.

Taslamanyñ guramaçylary bu başlangyjyñ üstünlikli durmuşa geçirilmegi Türkmenistanyñ beýleki şäherleri we welaýatlary üçin nusgalyk boljakdygyna ynanýarlar.

ORIENT news