Türkmen wekiliýeti DARYA maksatnamasynyň Ýokary derejeli ýolbaşçy düzümiň mejlisine gatnaşdy

05.12.2024 | 11:39 |

Zähmet we ilaty durmuş taýdan goramak ministriniň orunbasarynyň, Türkmenistanyň Bilim ministrliginiň wekilleriniň we Özbegistan Respublikasyndaky Türkmenistanyň ilçihanasynyň hünärmeniň düzümindäki türkmen wekiliýeti DARYA (Merkezi Aziýada ukyply ýaşlar üçin dialog we hereket) sebitleýin taslamasynyň çäklerinde Ýokary derejeli ýolbaşçy düzümiň (ÝDT) üçünji mejlisine gatnaşdy. Bu barada Türkmenistanyň Bilim ministrliginiň saýtynda habar berilýär.

Çäre Gazagystanyň, Gyrgyzystanyň, Täjigistanyň we Özbegistanyň, şeýle hem ÝB-niň, halkara guramalarynyň wekilleriniň we beýleki gyzyklanma bildiren taraplaryň gatnaşmagynda 4-nji dekabrda Daşkentde geçirildi. Ol Ýewropa Bileleşiginiň goldawy bilen Ýewropanyň Bilim gaznasy (ÝBG) tarapyndan guraldy.

Zähmet bazarynyň talaplaryna laýyk gelýän ukyplary ösdürmek; inklýuziw we durnukly bilimi goldamak; çeýe hünär derejelerini ornaşdyrmak meseleleri maslahatlaşmalaryň esasy mowzuklary boldy.

Gatnaşyjylar sebitiň durnukly ösüşini üpjün etmekde hökümetara dialogyň we ylalaşykly işiň wajyplygy barada aýratyn nygtadylar. Şeýle hem, DARYA taslamasynyň çäklerinde geljekki başlangyçlaryň esasyna girjek strategiki maslahatlar bilen tanyşdyryldy.

Çäre özara tejribe alyşmakda hem-de Merkezi Aziýada hünär derejeleriň kämilleşdirilmekde hyzmatdaşlygy we strategiki taýýarlanmany pugtalandyrmak üçin möhüm meýdança boldy.

ORIENT news