Aşgabat şäherinde bilermenler derejesinde halkara duşuşyk we Möhüm energetika infrastrukturasyny terrorçylykly hüjümlerden goramak boýunça tehniki gollanmanyň halkara derejesinde birinji halkara çäresi geçirildi.

Çäre 11-12-nji noýabrda aralygynda geçirildi we Türkmenistanyň Hökümeti tarapyndan Birleşen Milletler Guramasynyň Terrorçylyga garşy göreşmek müdirligi (UNOCT) we Russiýa Federasiýasynyň Hökümeti bilen bilelikde guraldy.

Duşuşygyň maksady energetika infrastrukturasyna abanýan howplar barada habardarlygy ýokarlandyrmakdan we bu ugurda öňdebaryjy tejribäni ara alyp maslahatlaşmak üçin halkara hünärmenlerini çekmekden ybarat boldy.

Mejlise gatnaşyjylar möhüm energetika infrastrukturasyny goramagyň esasy ugurlaryna garadylar we halkara derejesinde özara gatnaşyklary işjeňleşdirmek barada pikir alyşdylar hem-de milli derejedäki tejribeleri paýlaşdylar diýip, Türkmenistanyň DIM-niň metbugat gullugynda habar berdiler.

BMG-niň Baş Assambleýasynyň 2023-nji ýylyň 19-njy dekabrynda Türkmenistanyň başlangyjy bilen kabul eden “Durnukly ösüşi üpjün etmekde ygtybarly we durnukly energiýa birikmesiniň esasy orny” atly kararnamanyň energetika kynçylyklaryny ýeňip geçmek ugrunda halkara jemgyýetçiliginiň tagallalarynyň utgaşdyrylmagyny göz öňünde tutýandygy we energiýa serişdeleriniň serhetüsti ugradylmagynyň ygtybarlylygyny we durnuklylygyny üpjün etmäge çagyrýandygy bellenildi.

Birnäçe halkara guramalary bilen bilelikde durmuşa geçirilýän BMG-niň Duýgur maksatlary terrorçylyk howplaryndan goramak boýunça ählumumy maksatnamasy 2021-nji ýyldan bäri agza ýurtlara mümkinçilikleri artdyrmaga, bilermenleriň arasyndaky gatnaşyklary ösdürmäge we möhüm infrastrukturany goramak babatynda öňdebaryjy tejribäni kesgitlemäge ýardam berýär.

Aşgabat şäherinde geçirilen bu halkara çärä, Möhüm energetika infrastrukturasyny terrorçylykly hüjümlerden goramak boýunça tehniki gollanmanyň ilkinji tanyşdyrylyşy boldy diýip, daşary syýasat edarasynda bellenildi.

ORIENT