Biz ýakynlaşmagy ugur edinýäris

1-nji noýabrda tamamlanan 2025-nji ýyldaky Türkmenistanyň çempionatynyň 1-nji ligasynyň Aşgabat şäheri boýunça ikinji saýlama tapgyrynyň netijelerinden soň ýurduň küşt durmuşynda gyzykly wakalary görkmek bolýar.

Küştçileriň arasynda “II ligasy” diýlip atlandyrylýan milli küşt çempionaty üçin sebitleýin saýlawlar ikinji ýyl geçirilýär. Her tapgyryň netijelerine görä, indiki ýylyň başynda geçiriljek 2025-nji ýyldaky Türkmenistan çempionatynyň I ligasyna gatnaşmak üçin her sebitden ökde 10 küştçi saýlanar.

Erkekleriň we zenanlaryň gatnaşýan açyk derejesinde Aşgabat şäheri boýunça tapgyrynda, Türkmenabat şäherinde bolan Türkmen döwlet ykdysadyýet we dolandyryş instituty talyby Kadyr Jumaýew mümkin bolan 9-dan 7,5 utuk toplap, öňdeligi eýeledi. Dört oýunçy ýeňijiden ýarym utuk yzda galdy, ýöne goşmaça görkezijilere görä Türkmen döwlet bedenterbiýe we sport institutynyň talyby Ybraýym Serdarow ikinji orny eýeledi. Ilkinji üçlügi, Mary welaýatyndan 15 ýaşly mekdep okuwçysy Jennet Ýalkanowa jemledi.

Jennetden başga-da açyk derejede gatnaşan ýene iki gatnaşyjy, Aşgabatly mekdep okuwçysy Mahrijemal Gurbangeldýewa we Zalina Iminowa Aşgabat şäheriniň iň gowy on oýunçysynyň sanawyna girip, 2025-nji ýyldaky Türkmenistanyň çempionatynda I liganyň açyk derejesine gatnaşmak hukugyny aldylar. Türkmenistanyň Küşt federasiýasynyň baş sekretary, FIDE ussady Mergen Kakabaýewiň pikiriçe, bu hakykat ähmiýetlidir we ýurtda zenanlaryň arasydaky küşt oýnunyň ösýändigine şaýatlyk edýär.

Ýurduň beýleki sebitlerinden bolan islendik adam, saýlama oýunlarynyň beýleki tapgyrlaryna hem gatnaşyp biler, ýöne başga bir tapgyrdan indiki tapgyra çykmak üçin dalaş etmäge hukugy ýok.

Aşgabatdyň II ligasynyň zenanlaryň arasynda aýal doganlar Läle we Bägül Wepaýewalar başdaky tapgyrda öňdeligi eýeledi. Şu ýylyň awgustynda Gyrgyzystanda 10 ýaşa çenli toparda Günbatar Aziýanyň çempiony bolan, ýaryşyň dowamynda durnukly oýun görkezen 9 ýaşly Läle öňdebaryjylygyny saklap bildi we 7,5 utuk toplap, ýaryşda ýeňiş gazandy . Jigisi Bagül soňky 2 oýunda utulyp, 6 utuk bilen 4-nji ýerde galdy. Daşoguz welaýatyndan 10 ýaşly Dilber Hupbyýewa we Mary welaýatyndan 9 ýaşly Jumasoltan Muhammetberdiýewa 6,5 utuk toplap, degişlilikde 2-nji we 3-nji orny eýelediler.

Has tejribeli küştçüleriň köpüsi I ligada öz ornuny eýeledi we bu ýaryşa gatnaşmady, ýöne muňa garamazdan, ýaş gyzlaryň uly ýaşly ýaryşlarda ýeňiş gazanmagy biziň ýurdumyzda çagalaryň arasyndaky küşt oýnunyň ösüşiniň aýdyň görkezijisidir.

Jemi 99 türgen Aşgabat şäheri boýunça saýlama tapgyryna gatnaşdy, olaryň 79-sy açyk derejede, 20-si zenanlar arasynda. Ýaryşyň ýeňijilerine pul baýraklary, medallar, diplomlar we hemaýatkärleriň sowgatlary gowşuryldy.

Ähli sebitleýin saýlama tapgyrlarynyň hemaýatkärleri: Ynamdar onlaýn dükany, ALSAT B2B onlaýn bazary, ImdatBot robot tehnika bilim merkezi, HIL-TM sertifikat merkezi, Standart Hyzmat maslahat beriş kompaniýasy we [ORIENT] media-agentligi.

Geçen hepde Daşoguz welaýatynda saýlama tapgyrlary başlandy. Şol ýerde 10 ýaşly Omarbek Ismailow we açyk zenanlar derejesinde degişlilikde 11 ýaşly Sahra Saparmyradowa ýeňiji boldy.

Indiki tapgyr 4-nji noýabrdan 8-nji noýabr aralygynda Lebap welaýatda, Mary welaýaty boýunça jemleýji tapgyry bolsa 11-15-nji noýabr aralygynda geçiriler. Iň ýaş ösýän ýyldyzlaryň özlerini şol bir görnüşde görkezjekdiklerini görmek gyzykly bolarmy?...

ШФТ для ORIENT

Foto: orient.tm