Türkmenistanyň Saglygy goraýyş we derman senagaty ministrliginiň hem-de BSGG-niň Türkmenistandaky wekilhanasynyň wekilleri saglygy goraýşyň maglumat ulgamlarynyň sanlylaşdyrylmagyny goldamak boýunça okuwlara gatnaşýarlar. Bu çäre Berlinde geçirilip, Ýewropa Bileleşigi tarapyndan maliýeleşdirilýär.

Duşuşyk iň gowy halkara tejribesini ara alyp maslahatlaşmak, saglygy goraýyşy sanlylaşdyrmak ugrundaky mümkinçiliklerden doly peýdalanmak üçin zerur başarnyklary we bilimleri öwretmäge gönükdirilendir.

Okuwlar 2024-nji ýylyň 12-nji iýulyna çenli dowam eder.

Saglygy goraýyşyň ulgamlaryny sanlylaşdyrmaklyga hünärmenler tarapyndan ulgamyň hereket etmegi üçin çykdajylaryň ösüş depginini peseldip, gysga we uzak möhletleýin esasda berilýän lukmançylyk hyzmatlarynyň hilini ýokarlandyryp, kliniki, durmuş we ykdysady netijeliligi artdyryp biljek, şeýle hem lukmançylyk kömeginiň elýeterliligini ýokarlandyryp biljek proses hökmünde garalýar.

ORIENT news