Biz ýakynlaşmagy ugur edinýäris

19-20-nji iýulda Aktau şäherinde Gazagystanyň wise-premýeri Serik Žumangariniň başlyklyk etmeginde birinji «Demirgazyk – Günorta» ulag söwda-eksport forumy geçiriler.

Foruma Azerbaýjandan, Ermenistandan, Owganystandan, Belarusdan, Hindistandan, Eýrandan, Omandan, Pakistandan, Russiýadan, Siriýadan, Türkmenistandan we BAE-den döwlet edaralarynyň we döwlet-hususy guramalarynyň, işewür toparlaryň, demir ýol edaralarynyň wekilleri, önüm öndürijiler, eksportçylar, ulag-logistika we beýleki kompaniýalar gatnaşarlar diýip, «ElDala.kz» habar berýär.

«Demirgazyk – Günorta» ulag söwda-eksport forumyna gatnaşyjylar demirýol we awtoulag ugurlaryny ösdürmek, portlary ösdürmek we beýleki logistika meselelerini ara alyp maslahatlaşarlar. Mundan başga-da, forumyň çäklerinde «Gazagystanyň söwda-eksport mümkinçilikleri» atly sergi guralar.

Çärä gatnaşyjylar gepleşikler geçirip, Aktau we Kuryk portlaryna baryp bilerler.

Forumy guraýjy hökmünde Gazagystan Respublikasynyň Ulag ministrligi çykyş edýär.

ORIENT news

Foto: portaktau.kz