Aşgabatda «eMekdep» ilkinji onlaýn olimpiadasynyň ýeňijileri sylaglanyldy
Şu gün Aşgabatda «eMekdep» sanly platformasynda geçirilen ilkinji onlaýn olimpiadanyň ýeňijilerini sylaglamak dabarasy geçirildi. Bilim bäsleşigi paýtagtymyzyň we Arkadag şäheriniň mekdepleriniň 6–12-nji synp okuwçylaryny birleşdirip, olar bir hepdäniň dowamynda ähli okuw dersleri boýunça öz bilimlerini synagdan geçirdiler.
Baýramçylyk dabarasy Aşgabatdaky 131-nji orta mekdebinde geçirildi. Öz synplarynda iň ýokary netijeleri görkezen okuwçylar ýadygärlik sowgatlary bilen sylaglanyldy. Ýaş zehinleriň üstünligini paýlaşmaga olaryň mugallymlary we ene-atalary hem gatnaşdylar.
Geçirilen çäre häzirki zaman okuwçylarynyň ýokary taýýarlyk derejesini hem-de ýurdumyzyň bilim ulgamyna sanly tehnologiýalary ornaşdyrmagyň uly mümkinçiliklerini aýdyň görkezdi.
Sanly görnüşdäki bäsleşik okuwçylarda uly gyzyklanma döretdi, umumy ýygnalan ballaryň sany bolsa 200 müň görkezijisine ýetdi. Şeýle hem ýaryşyň dowamynda platformanyň ilkinji absolýut rekordy hasaba alyndy — okuwçylaryň biri mümkin bolan 200 baldan 192 bal gazandy. Umuman, ähli ýaş toparlarynda okuwçylar ýokary netijeleri we ýeňşe bolan erki görkezdiler.
ORIENT
