Ýakyn Gündogardaky gapma-garşylykly ýagdaýlar sebäpli ýangyjyň bahasy ýokarlandy: awiakompaniýalar tomusky 75 000-den gowrak gatnawyny ýatyrdylar
Çeşme: Business Insider/
Ýakyn Gündogardaky gapma-garşylykly ýagdaýlar sebäpli uçarlaryň ýangyjynyň bahasynyň gymmatlamagy, dünýäniň iri awiakompaniýalaryny uçuş tertibini gysgaltmaga mejbur etdi.
Pudaklaýyn hasabata görä, iýun we sentýabr aýlarynyň aralygynda 75 000-den gowrak tomusky gatnawlar ýatyryldy. “Business Insider” neşiriniň “Cirium” seljeriş kompaniýasynyň sişenbe güni çap edilen maglumatlaryna salgylanyp habar bermegine görä, esasan soňky 10 günüň içinde yglan edilen bu gysgaltmalar 9,3 milliondan gowrak ýolagçy ornuna täsir etdi.
Uly göwrümde gysgaltmalary amala aşyran dört awiakompaniýa — amerikanyň kompaniýalarydyr.
Bu sanawyň öňdebaryjysy işini doly bes edýändigini yglan eden “Spirit Airlines” awiakompaniýasy boldy, bu bolsa meýilleşdirilen 33 000 gatnawyň hemmesiniň ýatyrylmagyna getirdi. Ondan soňra takmynan 21 000 gatnawy ýatyran “United Airlines” gelýär. “Delta Air Lines” takmynan 7 300 gatnawy, “American Airlines” bolsa 6 400 töweregi gatnawy ýatyrdy. Ýewropa awiakompaniýalary hem basyş astynda galýarlar. Germaniýanyň “Lufthansa Group” kompaniýasy 5 000-den gowrak gatnawy ýatyrdy.
