Türkmen kinematografiýaçylary Sankt-Peterburgda geçiriljek LEFF festiwalynda öz taslamalaryny hödürlärler
2026-njy ýylyň 20–22-nji awgusty aralygynda Sankt-Peterburg şäherinde VII Halkara Lendoc Film Festiwaly (LEFF) geçiriler. Bu ýyl festiwalyň geografik gerimi ep-esli giňeldi: GDA ýurtlary bilen birlikde, şol sanda Türkmenistan hem gatnaşýar, BRICS ýurtlary — Braziliýa, Hindistan, Hytaý we Günorta Afrika Respublikasy hem gatnaşar.
LEFF festiwalynyň esasy aýratynlyklaryndan biri — bilelikdäki film önümçiligine aýratyn üns berilmegidir. Häzirki wagtda bilelikdäki önümçilik taslamalary üçin pitçing ýüz tutmalarynyň kabul edilmegi başlandy. Bu platforma türkmen režissýorlary we prodýuserleri üçin özboluşly mümkinçilik bolup, olar Russiýadan we beýleki ýurtlardan hyzmatdaşlary tapyp, öz döredijilik pikirlerini durmuşa geçirip bilerler. Ýeňijiler professional prodýuser goldawyny alarlar.
Pitçing üçin ýüz tutmalar 2026-njy ýylyň 20-nji iýulyna çenli festiwalyň resmi web sahypasynda kabul edilýär.
Festiwalyň maksatnamasy üç esasy ugurdan ybaratdyr: • Oýunly filmler (60 minutdan ýokary); • Dokumental filmler (40 minutdan ýokary); • Talyp işleri – Lendoc Start (10 minutdan ýokary).
Esasy bäsleşige ýüz tutmalaryň möhleti — 2026-njy ýylyň 15-nji iýuly.
Işewürlik maksatnamasynyň çäginde 21-nji awgustda Sankt-Peterburgyň Kanun çykaryjy ýygnagynda kino kärhanalarynyň ýolbaşçylarynyň duşuşygy geçiriler. Esasy meseleler hökmünde bitewi ssenariýa barlaghanasynyň döredilmegi we bilelikdäki film önümçiligi mehanizmleriniň ösdürilmegi ara alnyp maslahatlaşylar. Türkmenistanyň wekilleriniň şeýle duşuşyklara gatnaşmagy milli kinematografiýanyň daşary ýurtlarda tanalmagy üçin täze mümkinçilikleri açýar.
