Hytaý milli howpsuzlyk üçin "Meta" kompaniýasynyň "Manus" emeli aň startapyny satyn almak baradaky şertnamasyny gadagan etdi

‎ ‎ ‎Duşenbe güni Hytaýyň Ykdysady meýilleşdiriş baş müdiriýeti (Ösüş we özgertmeler boýunça milli komissiýasy) daşary ýurt maýa goýumlaryna gözegçilik edýän ygtyýarly edaranyň "Manus" kompaniýasyny satyn almak baradaky şertnamany gadagan etmek kararyna gelendigini habar berdi. Maýadarlara kanunçylyga laýyklykda satyn almak baradaky ylalaşygy ýatyrmak tabşyryldy. ‎ ‎Hytaýyň düzgünleşdiriji edaralary tarapyndan bu geleşigiň derňewi geçen ýylyň dekabr aýynyň ahyrynda, amerikan tehnologiýa ägirdi "Meta" hytaýly emeli aň agentlerini işläp düzüji "Manus" startapyny 2 milliard ABŞ dollaryna satyn alýandygyny yglan edenden soň başlandy. Barlagyň sebäbi hökmünde milli howpsuzlyk meseleleri görkezildi. ‎ ‎Hytaýda esaslandyrylan we soňra Singapura göçirilen bu startap uniwersal emeli aň agentlerini döretmäge ýöriteleşendir. 2025-nji ýylyň mart aýynda kompaniýa tebigy dildäki birnäçe ýönekeý görkezme arkaly çylşyrymly meseleleri — programmirlemegi, meýilleşdirmegi, marketing barlaglaryny we maglumat seljermesini ýerine ýetirmäge ukyply ilkinji agentini işe girizipdi.