Türkmenistan Uzynada käninde gazyp alyş işlerini güýçlendirilýär: täze №75 belgili guýy işe girizildi
Türkmenistanda Uzynada nebitgaz käninde täze №75 belgili guýynyň ulanylmaga berilmegi «2030-njy ýyla çenli nebitgaz pudagyny ösdürmegiň milli maksatnamasynyň» durmuşa geçirilmeginde möhüm tapgyr boldy.
Guýy häzirki zaman ZJ–70–DB buraw enjamynyň kömegi bilen burawlandy we 6800 metr çuňluga ýetdi. Özleşdirmegiň netijesinde günde 91,7 kub metr möçberinde nebit we gaz kondensatynyň durnukly akymy üpjün edildi. Işler «Nebitgazburawlaýyş» trestiniň «Körpeje» buraw işleri müdirliginiň topary tarapyndan, Tagangeldi Amanowyň ýolbaşçylygynda ýerine ýetirildi.
«Körpeje» buraw işleri müdirliginiň baş geology Ýegenmyrat Hallyýew guýynyň üstünlikli özleşdirilmeginiň Türkmenistanyň Prezidenti tarapyndan berilýän yzygiderli goldawyň hem-de nebitgaz pudagynda häzirki zaman tehnologiýalaryň ornaşdyrylmagynyň netijesidigini belledi. "Pudagyň işgärleri täze enjamlary ynamly özleşdirýärler we çuň gatlaklarda netijeli işläp, ýokary hilli uglewodorodlaryň çykarylmagyny üpjün edýärler" - diýip, ol belledi.
Häzirki wagtda Uzynada käninde bir wagtda üç guýuda işler alnyp barylýar. Şol bir wagtyň özünde Barsagelmez, Günorta Bugdaýly, Atjan, Altyguýy hem-de Ekizek känlerinde hem buraw enjamlarynyň işjeň ulanylyşy dowam edýär. Bu bolsa Türkmenistanyň sebitde nebit we gaz çykaryş boýunça möhüm merkez hökmünde ornuny berkitýär.
Täze №75 belgili guýy ýurduň energetika howpsuzlygyna strategik goşant bolup durýar. Buraw toparlary häzirki zaman enjamlar bilen işlemäge döredilen mümkinçilikler üçin ýurduň ýolbaşçylygyna minnetdarlyk bildirýärler.
ORIENT
