«Türkmennebit» döwlet konserniniň halkara tenderi
«Türkmennebit» döwlet konserni tender toparynyň adyndan konserniň kärhanalarynda elektron maglumatlar binýadynyň awtomatlaşdyrylan ulgamyny kämilleşdirmek we täze ulgamlary ornaşdyrmak boýunça taslama işlerini, ýerine ýetirilmeli işleriň doly toplumyny işläp düzmek hem-de tender tekliplerini bermek boýunça № 203 halkara tenderi yglan edýär.
Tender 2026-njy ýylyň 13-nji martyndan 27-nji apreline çenli geçirilýär.
Şertlere laýyklykda, tendere diňe tender resminamalarynda kesgitlenen talaplara laýyk gelýän önüm öndüriji kompaniýalar gatnaşyp biler.
Gatnaşmagyň esasy şertleri
Gatnaşmak isleýänler:
— kompaniýanyň doly adyny, kanuny ýagdaýyny, hasaba alnan ýurduny we bank rekwizitlerini görkezýän tendere gatnaşmak islegi barada arza tabşyrmaly;
-
"Döwlet zerurlyklary üçin harytlar bilen üpjün etmek, işleri ýerine ýetirmek, hyzmatlary etmek boýunça bäsleşikler hakynda" Türkmenistanyň Kanuny, "Bäsleşikleri geçirmekligiň düzgünlerinden" göçürme we bäsleşige gatnaşmak üçin gerekli resminamalar bilen tanyş bolmaly;
-
lotlaryň häsiýetnamasyny, tehniki talaplary we şertnamanyň esasy şertlerini almaly;
-
tendere gatnaşmak üçin bir Lot üçin ABŞ-nyň 1725 dollary möçberinde ýa-da oňa ekwiwalent bahasyny manat görnüşinde (GBS-i hasaba almak bilen) tölemeli.
Ofşor zolaklarynda hasaba alnan ýa-da bank hasaplaryna eýe bolan kompaniýalar tendere gatnaşmaýar.
Tender tekliplerini tabşyrmak
Tender teklipleri, “Neýtralnyý Turkmenistan” gazetinde resmi taýdan çap edilen gününden başlap 30 (otuz) iş gününiň dowamynda kabul edilýär, ýöne 30-njy iş güni 12:00 sagatdan gijä galman (ýerli wagt).
Bellenen möhletden giç tabşyrylan tender teklipleri kabul edilmeýär.
Doly tender teklibi syýa möhüri bilen tassyklanan bir möhürlenen bukjada tabşyrylmaly.
Bukjada:
-
anketanyň elektron görnüşi;
-
şertnamanyň esasy şertleri (Word formatda);
-
tehniki we ykdysady spesifikasiýa (Excel formatda) bolmaly.
Salgy we aragatnaşyk
Arzalar we tender teklipleri şu salgy boýunça kabul edilýär:
Türkmenistan, Aşgabat şäheri, Arçabil şaýoly, 56, 4-nji gat, “Türkmennebit” DK.
Spesifikasiýa we tehniki tabşyryk bilen şu resmi web-saýtlarda hem tanyşyp bolýar:
www.oilgas.gov.tm
www.turkmennebit.gov.tm
Habarlaşmak üçin telefon belgileri:
40-39-90 (arzalary tabşyrmak üçin faks)
40-39-93, 40-36-21, 40-36-74, 40-30-67 (tehniki meseleler boýunça)
Elektron poçta: fer@turkmennebit.gov.tm
ORIENT
