Minskde «Bitewi maýadar güni» formaty girizilýär
Belarusyň paýtagty Minsk şäherinde 20-nji martda Bitewi maýadar güni geçiriler. Çäräni Minsk şäheriniň ýerine ýetiriji komiteti häkimiýet bilen işewürleriň arasynda göni dialogy ýola goýmak maksady bilen guraýar diýip, BELTA habar berýär.
Bu başlangyjyň esasy maksady — telekeçilere maýa goýum taslamalaryny durmuşa geçirmek bilen bagly meseleler boýunça tiz wagtda maslahat almak we şäher ýolbaşçylary bilen iş alyp barmagyň şertlerini göni ara alyp maslahatlaşmak üçin mümkinçilik döredýän meýdançany emele getirmekdir. «Açyk gapylar» formaty maýadarlara ýüze çykýan meseleleri ýeňilleşdirilen tertipde çözmäge we sebitiň mümkinçilikleri barada ygtybarly maglumat almaga şert döredýär.
Şeýle hyzmatdaşlyk görnüşi döwlet bilen hususy maýanyň arasynda netijeli dialogy ösdürmäge ýardam berýär. Bu diňe bir býurokratik amallary ýeňilleşdirmek bilen çäklenmän, şäheriň uzak möhletleýin ykdysady ösüşi üçin amatly şertleri hem döredýär.
ORIENT
