Si Szinpin Kim Çen Yny Zähmet partiýasynyň Baş sekretarlygyna saýlanmagy bilen gutlady
Hytaýyň Kommunistik partiýasynyň Merkezi komitetiniň Baş sekretary Si Szinpin, Koreýa Halk Demokratik Respublikasynyň Zähmet partiýasynyň IX gurultaýynda Kim Çen Ynyň partiýanyň Baş sekretarlygyna saýlanmagy mynasybetli, hepdäniň duşenbe güni oňa özüniň gutlagyny iberdi.
Gutlag ýüzlenmesinde Si Szinpin 2021-nji ýylda geçirilen VIII gurultaýdan bäri Kim Çen Inyň ýolbaşçylygynda Zähmet partiýasynyň Merkezi komitetiniň Koreýa Halk Demokratik Respublikasynyň halkyny sosialistik gurluşda täze üstünliklere ýetirmegi başarandygyny belläp geçdi. Onuň gaýtadan saýlanmagy partiýanyň, döwletiň we halkyň ýokary ynamyny hem-de goldawyny görkezýändir.
Si Szinpin, Zähmet partiýasynyň IX gurultaýynyň, ösüşiň täze tapgyryna geçilýän möhüm döwürde geçirilendigini, onuň uly ähmiýete eýedigini belledi hem-de Kim Çen Ynyň ýolbaşçylygynda Koreýa Halk Demokratik Respublikasynyň sosialistik ösüş ýolunda täze sepgitlere ýetmegini arzuw etdi.
Dostluk, jebislik we özara goldaw gatnaşyklary bilen baglanyşykly sosialistik goňşy döwletler hökmünde Hytaý bilen Koreýa Halk Demokratik Respublikasynyň arasyndaky gatnaşyklary saklamak, pugtalandyrmak we ösdürmek Hytaýyň Kommunistik partiýasynyň hem-de Hytaý hökümetiniň üýtgewsiz syýasaty bolup durýandyr.
Soňky ýyllarda Si Szinpin bilen Kim Çen Yn birnäçe gezek duşuşyp, ikitaraplaýyn gatnaşyklaryň oňyn ösüşine giň ýol açdylar.
Dünýäde çylşyrymly ýagdaýlaryň dowam edýän döwründe Si Szinpin Kim Çen Yn bilen bilelikde gazanylan ylalaşyklary durmuşa geçirmek, degişli edaralaryň we sebitleriň işini utgaşdyrmak hem-de Hytaý Halk Respublikasynyň we Koreýa Halk Demokratik Respublikasynyň arasyndaky dostlugynyň täze sahypasyny ýazmak niýetini beýan etdi. Bu hyzmatdaşlyk iki ýurduň sosialistik gurluşygyna hyzmat edip, halklaryň abadançylygyny we dostlugyny pugtalandyrmaga, şeýle hem sebitde we dünýäde parahatçylyga, durnuklylyga, ösüşe we abadançylyga goşant goşmaga gönükdirilendir.
