Aşgabatda Hytaýyň Bahar baýramyna bagyşlanan baýramçylyk konserti geçiriler

Fewral 21, 2026 | 09:25 |6713

23-nji fewralda Mukamlar Köşgünde Hytaýyň Bahar baýramyna bagyşlanan baýramçylyk konserti geçiriler. Konsertde Hytaýyň "Touchroad" çeperçilik topary we Türkmenistanyň Döwlet simfoniki orkestri çykyş eder.

Bilelikdäki çykyş iki ýurduň aýdym-saz sungatynyň milli we döwrebap elementlerini birleşdirer.

Mundan başga-da, agşam sagat 18:00-da Mukamlar Köşgüniň girelge zalynda myhmanlara Bahar baýramynyň däp-dessurlary we gurşawy bilen ýakyndan tanyşmaga mümkinçilik berjek medeni çäreler meýilleşdirilýär.

Guramaçylar paýtagtymyzyň ýaşaýjylaryny we myhmanlaryny dabaralara goşulmaga we ajaýyp medeni çäräniň bir bölegi bolmaga çagyrýar.

Aýdym-saz maksatnamasynyň başlanýan wagty — sagat 19:00. Giriş mugt.