Hytaý Halk Respublikasynyň Başlygy Hytaýyň Täze ýyly mynasybetli goşuna gutlagyny iberdi
Sişenbe güni HHR-niň Başlygy Si Szinpin wideo barlagynyň dowamynda ýurduň ähli harby gullukçylaryny Bahar baýramy bilen gutlady. Ol Hytaý Kommunistik partiýasynyň Merkezi komitetiniň we Merkezi harby geňeşiň adyndan mähirli arzuwlaryny ýetirdi.
HKP-niň MK-nyň Baş sekretary we Merkezi harby geňeşiň başlygy bolan Si Szinpin Hytaý Halk-azat ediş goşunynyň hem-de Halk ýaragly polisiýasynyň ofiserlerini we esgerlerini gutlady. Mundan başga-da, ol goşunda işleýän raýat işgärlerine, ätiýaçlyk güýçleriniň agzalaryna hem-de halk meýletin goşunyna gutlaglaryny iberdi.
«Size şatlykly Bahar baýramyny, işleriňizde üstünlikleri, maşgalalaryňyza bagt we Ýylky ýylynda rowaçlyk arzuw edýärin!» — diýip Si Szinpin aýtdy.
Bahar baýramy ýa-da Hytaýyň Täze ýyly Hytaýda iň möhüm milli baýramçylykdyr. Bu ýyl ol 17-nji fewrala gabat gelip, Ýylky ýylynyň başlanmagyny alamatlandyrýar.
