Gezgin kometa Wežçosa: 2026-njy ýylyň fewralynda Ýer bilen özboluşly ýakynlaşma
2026-njy ýylyň fewralynda astronomiýa höwesjeňleri teleskoplaryň kömegi bilen Ýeriň uly C/2024 E1 (Wežçosa) kometasy bilen ýakynlaşmagyny synlap bilerler. Jisimiň ýagtylygy takmynan 8–9 ýyldyz ululygyna barabar bolansoň, ol göz bilen görünmez we ony syn etmek üçin ýörite optiki enjamlar zerur bolar. Bu barada Yuz.uz habar berýär.
Diametri 2-den 10 kilometre çenli bolan ýadroly bu buz ägirdi örän uzaldylan orbitada hereket edýär. Astronomlaryň pikirine görä, kometanyň Gün ulgamyna häzirki sapary onuň soňkusy bolar: planetalar bilen ýakynlaşandan soň, ol ähtimal hemişelik ýyldyzlararasy giňişlige siňip gider.
Görünüşiň iň ýokary derejesi 17-nji fewrala gabat geler, şol gün asman jisimi Ýerden iň az — 1 astronomik birlik aralykdan geçer.
• Günorta ýarym şarda: syn üçin ajaýyp şertler bar; kometa gözýetimden ýokarda gowy görüner.
• Demirgazyk ýarym şarda: jisimiň Gün batandan takmynan bir sagat soň günorta-günbatar gözýetiminiň ýokarsynda peýda bolmagyna garaşylýar. Gözlemek kyn bolar, şonuň üçin synçylar şäher ýagtylygyndan uzak, açyk gözýetimli ýerleri we professional optikany ulanmalydyrlar.
20-nji ýanwarda kometa perihelion nokadyny üstünlikli geçip, Güne 85 million kilometr golaýlaşdy. Häzir bolsa Ýere tarap hereket edýär we alymlar bilen höwesjeňlere dolanyşyk döwri millionlarça ýyl bilen ölçelýän seýrek asman jisimini hasaba almak üçin örän seýrek mümkinçilik berýär.
ORIENT
