Kataryň Aragatnaşyk we maglumatlar tehnologiýasy ministri bilen Türkmenistanyň Ilçisi duşuşdy
14-nji oktýabrda Türkmenistanyň Katar Döwletindäki Ilçisi M.Seýitmämmedow Katar Döwletiniň Aragatnaşyk we maglumatlar tehnologiýasy ministri Mohammed bin Ali Al Mannai bilen duşuşyk geçirdi.
Duşuşygyň barşynda iki ýurduň arasynda gatnaşyklary ösdürmekde we özara bähbitli hyzmatdaşlygy ilerletmekde möhüm ähmiýete eýe bolup durýan birnäçe meseleler boýunça pikir alyşmalar geçirildi.
Hususan-da, duşuşygyň dowamynda türkmen tarapy Hormatly Prezidentimiziň baştutanlygynda 2025-nji ýylyň ýurdumyzda “Halkara parahatçylyk we ynanyşmak ýyly” diýip yglan edilmeginiň giň halkara jemgyýetçiliginde uly seslenme döretmegi bilen bir hatarda, bu şygaryň esasynda ýurdumyzyň içerki we daşary syýasatynda öňe sürülýän ynanyşmak, deňhukuklylyk we özara hormat goýma ýörelgeleri bilen utgaşýandygy nygtaldy. Şeýle-de, Türkmenistanyň hemişelik Bitaraplygynyň 30 ýyllyk şanly baýramçylygynyň giň gerimde bellenilmegi mynasybetli geçirilýän halkara derejeli çäreler hakynda katar tarapy giňişleýin maglumatlar bilen tanyşdyryldy.
Mundan başga-da, türkmen tarapy şu ýylyň 12–14-nji noýabrynda ýurdymyzda «Türkmentel–2025» atly halkara sergisine we ylmy maslahatyna gatnaşmak baradaky çakylyk haty gowşuryldy hem-de Türkmenistanyň Aragatnaşyk ministrligi tarapyndan geçirilýän bu halkara çärä sebit derejesinde maglumat-aragatnaşyk tehnologiýalary ulgamynda tejribe alşylmagynda giň mümkinçilikleriň dörediljekdigi nygtaldy.
ORIENT
