Türkmenistanyň Daşary işler ministrliginiň Halkara gatnaşyklary institutynda geçirilen maslahat
Maý aýynyň 30-na Türkmenistanyň hemişelik bitaraplygynyň 30 ýyllygyna bagyşlanyp, Türkmenistanyň Daşary işler ministrliginiň Halkara gatnaşyklary institutynda onlaýn maslahat geçirildi. Maslahata DIM-niň Halkara gatnaşyklary institutynyň, Halkara ynsanperwer ylymlary we ösüş uniwersitetiniň mugallymlary we talyplary, şeýle hem ýapon tarapynyñ wekilleri gatnaşdy.
Maslahatyň dowamynda Türkmenistanyň Ýaponiýadaky Adatdan daşary we Doly ygtyýarly Ilçisi, Türkmenistanyň DIM-niň Halkara gatnaşyklary institutynyň we Halkara ynsanperwer ylymlary we ösüş uniwersitetiniň rektorlary, şeýle hem Türkmenistanyň Söwda we daşary ykdysady aragatnaşyklar ministrliginiň wekilleri çykyş etdi. Çykyş edenler Türkmenistanyň bitaraplyk syýasatynyň ähmiýetini, şeýle hem Halkara parahatçylyk we ynanyşmak ýylynyň çäklerinde geçirilýän çäreleriň, aýratyn-da ylym we bilim ugurlarynda durmuşa geçirilmeginiň möhümdigini nygtadylar.
ORIENT
