Russiýa ABŞ-a ilkinji dizel ýangyjy tapgyryny iberer
Russiýanyň täze üpjünçilik ylalaşygyndan soň ABŞ üçin niýetlenen dizel ýangyjyny daşaýan ilkinji tankeri penşenbe güni ýola çykar. Bu barada Russiýanyň wise-premýeri Aleksandr Nowak aýtdy.
Onuň sözlerine görä, Moskwa bilen Waşington rus dizeliniň geljekki üpjünçiligi boýunça şertnamalary resmileşdirmegiň soňky tapgyrynda durýarlar. Nowak ýylyň ahyryna çenli Russiýanyň dizel eksportyny beýleki ýurtlara hem giňeldip, daşary ýurt bazarlaryna iberilýän ýangyjyň öňki möçberini doly dikeldip biljekdigine umyt bildirdi.
ABŞ-nyň Prezidenti Donald Tramp ozal Russiýa bilen dizel ýangyjynyň üpjünçiligi boýunça ylalaşygyň gazanylandygyny mälim edipdi. Ilkinji tapgyryň takmynan 40 müň tonna ýangyçdan ybarat bolmagyna garaşylýar.
Russiýanyň wise-premýeri 2022-nji ýylda partlamalar sebäpli zeper ýeten “Demirgazyk akym” gaz geçirijileri barada hem aýdyp, olaryň tehniki taýdan dikeldilip bilinjekdigini belledi.
CCTV+ habar bermegine görä, Russiýa ABŞ-a we beýleki ýurtlara dizel ýangyjynyň üpjünçiligini dowam etdirmegi hem-de eksport möçberlerini tapgyrlaýyn dikeltmegi meýilleşdirýär.
