1-nji maýda GDA gatnaşyjy-ýurtlaryň mekdep okuwçylarynyň arasynda Ýeňşiň 80 ýyllygyna bagyşlanan düzme ýazmak bäsleşigi badalga alar
2025-nji ýylyň 1-nji maýynda Garaşsyz Döwletleriň Arkalaşygyna gatnaşyjy-ýurtlaryň mekdep okuwçylarynyň arasynda “Uruş döwrüniň ýaş nesliniň edermenligi we gahrymançylygy” tema boýunça düzme ýazmak bäsleşigi badalga alar.
Bäsleşik Beýik Watançylyk urşunda gazanylan Ýeňşiň 80 ýyllygyna bagyşlanan we 2025-nji ýylyň oktýabr aýynda Sankt-Peterburgda geçiriljek Halkara ylmy-okuw maslahatynyň çäklerinde geçirilýär.
Bäsleşigiň esasy maksady ýaşlarda öz ýurdunyň taryhyna bolan hormaty terbiýelemek we öňki nesilleriň görkezen edermenliginiň ähmiýetine akyl ýetirmäge ýardam bermekdir. Bäsleşige gatnaşmak mekdep okuwçylara edebi we derňew ukyp-başarnyklary ösdürmäge, harby taryh baradaky bilimlerini çuňlaşdyrmaga hem-de ata-babalarymyzyň edermenligi barada taryhy hakydany gorap saklamaga öz goşandyny goşmaga mümkinçilik berer.
Gatnaşyjylara uruş döwründe ýaşlaryň edermenligini we gahrymançylygyny aýdyň beýan edýän Boris Wasilýewiň “Sanawda ýok” diýen eseriniň esasynda düzme ýazmak teklip edilýär.
Bäsleşik 2025-nji ýylyň 15-nji sentýabryna çenli dowam eder, netijeleri bolsa 2025-nji ýylyň 31-nji oktýabrynda maslahatyň umumy mejlisinde jemlener.
Ýeňijilere şahadatnamalar we ýadygärlik sowgatlar gowşurylar, iň gowy işler bolsa Ýeňşiň 80 ýyllygyna bagyşlanan ýygyndyda çap ediler.
ORIENT news
