Türkmenistanyň döwlet hyzmatlarynyň we wezipeleriniň bitewi elektron portaly arkaly aragatnaşyk hyzmatlarynyň tölegini amala aşyryň
Aý tamamlanyp barýar. Diýmek, ähli aragatnaşyk hyzmatlarynyň tölegini amala aşyrmak barada öňünden aladalanmak zerurdyr.
Emma, köplenç, işleriniň agdyklygy sebäpli, hemmelerde hyzmat ediş nokatlaryna baryp, wagtynda töleg geçirmek üçin wagt tapylmaýar.
Türkmenistanyň Ministrler Kabinetiniň Ulag we kommunikasiýa agentliginiň ýanyndaky “Türkmenaragatnaşyk” agentliginiň “e.gov.tm” Türkmenistanyň döwlet hyzmatlarynyň we wezipeleriniň bitewi elektron portalynda öýden çykmazdan, Internet, telefon, IP-teleýaýlymy, Türkmenistanyň öňdebaryjy Belet onlaýn-kinoteatrynyň hyzmatlarynyň tölegini amala aşyryp bolýar.
Munuň üçin portalyň “Aragatnaşyk hyzmatlary” bölümine girip, gerekli hyzmaty saýlamaly.
Emma, portalda hasabyňyzyň bolmalydygyny ýatdan çykarmaň! ORIENT ozalky habarynda munuň usuly barada giňişleýin gürrüň berdi.
ORIENT news
