Döwletmämmet Azady adyndaky Türkmen milli dünýä dilleri institutynyň we “Nippon” gaznasynyň arasynda özara düşünişmek hakynda Ähtnama gol çekildi
2025-nji ýylyň 15-nji aprelinde Döwletmämmet Azady adyndaky Türkmen milli dünýä dilleri institutynyň we “Nippon” gaznasynyň arasynda özara düşünişmek hakynda Ähtnama gol çekildi. Bu barada Türkmenistanyň Bilim ministrliginiň saýtynda habar berilýär.
Resminama taraplaryň arasyndaky özara gatnaşyklarynyň täze tapgyryny açýar.
Ähtnama laýyklykda, Türkmenistanyň ýokary okuw mekdebi we “Nippon” gaznasynyň “JACAFA” atly taslamasy bilim almak üçin talyp haklaryna dalaşgärleri bilelikde saýlap alar.
“Nippon” gaznasy– grantlary hödürleýän ýapon guramasydyr. Ol 1962-nji ýylda esaslandyrylyp, durmuş innowasiýalary çaltlaşdyrmak maksady bilen, häzirki we geljekki nesiller üçin deň şertleri döredip, tutuş dünýäniň guramalary bilen hyzmatdaşlyk alyp barýar.
ORIENT news
