15-17-nji aprelde şemally howa garaşylýar
15-17-nji aprel aralygynda Türkmenistanyň tutuş çäginde şemalyň güýçlenmegi we tozanly tupanyň turmagy bilen, durnuksyz howanyň bolmagyna garaşylýar. Aýratyn sebitlerde gysga wagtlaýyn çabgalaryň ýagmagy we ýyldyrymyň çakmagy mümkin.
- 15-nji aprelde Balkan welaýatynda şemal 16-21 m/s çenli, Daşoguz welaýatynda – 12-17 m/s çenli, Ahal welaýatynda hem-de Lebap welaýatynyň demirgazyk böleginde – 11-16 m/s çenli güýçlener. Aýratyn sebitlerde tozanly tupanyň turmagyna garaşylýar hem-de käbir ýerlerde görüjilik peseler.
16-njy aprelde Daşoguz welaýatynda, Balkan we Lebap welaýatlarynyň demirgazygynda, şeýle hem Ahal welaýatynyň käbir ýerlerinde güýçli şemalyň bolmagyna garaşylýar. Şemal 13-18 m/s, Ahal welaýatynda günüň ikinji ýarymynda bolsa 19-24 m/s çenli güýçlener.
17-nji aprelde Ahal we Balkan welaýatlarynda şemal 18-23 m/s çenli, Mary welaýatynda – 17-22 m/s çenli, Lebap welaýatynda 12-17 m/s çenli güýçlener. Tozanly tupan dowam eder. Mundan başga-da, şol günlerde Balkan welaýatynda we Daşoguz welaýatynyň käbir ýerlerinde, Ahal we Lebap welaýatynda güýçli ýagşyň ýagmagy we ýyldyrymyň çakmagy mümkin.
Balkan welaýatynyň käbir ýerlerinde 25-40 mm ýagynlaryň ýagmagy mümkindir. Syýahatlaryňyzy we açyk howada işiňizi meýilleşdireniňizde, howa şertlerini göz öňünde tutmagy maslahat berýäris.
ORIENT news
