Wolgogradyñ kärhanalary türkmen dokma önümlerini satyn almak barada maslahatlaşdylar
Wolgograd oblastynda ýerli ýeñil senagaty kärhanalaryñ ýolbaşçylarynyñ Türkmen wekilleri bilen iş duşuşygy geçirildi. Wolgograd oblastynyñ ykdysady syýasaty we ösüş komitetiniñ meýdançasynda işewürlik hyzmatdaşlygy ösdürmek hem-de pagtadan ýasalan dokma önümleri satyn almak meseleleri ara alnyp maslahatlaşyldy.
Wolgograd tarapyna sekiz sany kärhana wekilçilik etdi. Olaryñ arasynda "Kamyşyn dokmasy" atly kärhana öñdebaryjy hasaplanylýar. Şeýle hem, 5D-printerler we senagat enjamlary, üstki egin-eşikler, poligrafiýa önümleri we taýýar dokma önümler öndürijileri satyn almalara gyzyklanma bildirýär.
Oblastyñ ykdysady syýasaty we ösüş komitetinde bellenilşi ýaly, dialogyñ dowamynda Wolgograd oblastynyñ we Türkmenistanyñ arasynda söwda-ykdysady hyzmatdaşlygynyñ giñeldilmegi esasy tema boldy. Duşuşyk ýerli öndürijilere daşary ýurt hyzmatdaşlarynyñ gözleglerinde ýardam bermegiñ çäklerinde geçirildi.
ORIENT news
