TDHÇMB-da söwdalaşyklar: “SN-600” kysymly esas ýagy we dokma galyndylary ýerlenildi
Aprel 05, 2025 | 07:30 |3524
4-nji aprelde, anna güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda nebit-himiýa we ýeňil senagaty önümleri ýerlenildi.
Türkmen telekeçileri “Türkmennebit” Döwlet konserni bilen “SN-600” kysymly esas ýagyny satyn almak barada geleşik baglaşdylar.
Dokma senagaty ministrliginden olar dokma galyndylaryny satyn aldylar.
Söwdalaşyklaryň netijesinde umumy bahasy 1 709 212 manada barabar bolan 2 geleşik baglaşyldy.
Türkmenistanyň Döwlet haryt çig-mal biržasyndaky kesilen nyrhlar bilen şu salgyda tanşyp bilersiňiz.
ORIENT news
