Türkmenistanyň Döwlet hyzmatlarynyň elektron portaly arkaly ýetirilen hyzmatlaryň sany 777329 ýetdi
“Türkmenaragatnaşyk” agentliginiň Türkmenistanyň «e.gov.tm» Döwlet hyzmatlarynyň bitewi portaly arkaly tutuş wagtyň dowamynda ýerine ýetirilen hyzmatlaryň sany 777329, onuň ulanyjylarynyň sany bolsa – 75 müňe golaý adama ýetdi.
2025-nji ýylyň aprel aýynyň başyndan oňa 532 adam girip gördi.
«e.gov.tm» döwrebäp platforma bolup, ol raýatlara döwlet hyzmatlarynyň ähli görnüşlerinden onlaýn peýdalanmaga mümkinçilik berýär. Portalyň ykjam gollanmasy hereket edip, ol Android we IOS platformalarynda ýükläp almak üçin elýeterlidir. Portaly wizual kabul ediş üçin gelşikli we sada interfeýsi bar. Ol ähli ýaşdaky ulanyjylar üçin düşnüklidir.
Portal iki dilde – türkmen we rus dillerinde elýeterlidir.
Şahsy otagyň kömegi bilen onlaýn-görnüşde aragatnaşyk we jemagat hyzmatlaryndan peýdalanyp we olary dolandyryp bolýar, tölegleri amala aşyryp, sargytlary resmileşdirip, biletleri satyn alyp, “onlaýn-kitaphana” we “elektron mekdep” wezipeleriň mümkinçiliklerini ulanyp bolýar. Platformada hukuk meseleleri boýunça kömek hyzmatlary, howa maglumaty we Türkmenistanyň Merkezi banky tarapyndan 24/7 tertipde bellenilen pul birligiň kursy bilen tanşyp bolar.
“Türkmenaragatnaşyk” agentligi portalyň mümkinçiliklerini yzygiderli kämilleşdirip, ulanyjylaryň rahatlygy üçin onuň işini gowulandyrýar.
ORIENT news
