ÝOM-iň talyplarynyň arasynda III Halkara açyk informatika internet olimpiadasy yglan edildi
Halkara parahatçylyk we ynanyşmak ýylynda bilim ulgamynda innowasiýalary ornaşdyrmak maksady bilen, ýurdumyzyň we daşary ýurtlaryň ýokary okuw mekdepleriniň talyplarynyň arasynda III Halkara açyk informatika internet olimpiadasy yglan edildi.
Olimpiada Türkmenistanyň we daşary ýurtlaryň ýokary okuw mekdepleriniň dürli ugurlarynyň we hünärleriniň ýokary bilim maksatnamalary boýunça okaýan talyplary gatnaşyp biler. Olimpiadanyň resmi iş dilleri – türkmen, rus we iňlis dilleri.
Olimpiada gatnaşmaga isleg bildirýän ýokary okuw mekdebiniň talyplarynyň sanawyny tassyklanan görnüşde 2025-nji ýylyň 10-njy apreline çenli hngu.olimp@gmail.com elektron salgysyna ugratmaly. Olimpiadanyň işi Ýagşygeldi Kakaýew adyndaky Halkara nebit we gaz uniwersitetiniň resmi internet sahypasynda we “moodle” platformasynda geçiriler.
Olimpiada şahsy bäsleşik görnüşde geçiriler we oňa her ýokary okuw mekdebi boýunça gatnaşýan talyplaryň sany çäklendirilmeýär. Olimpiadada hödürlenýän ýumuşlary ýerine ýetirmek üçin jemi 180 minut wagt berilýär.
Olimpiadanyň ýeňijilerini kesgitlemegiň we sylaglamagyň tertibi
Ýagşygeldi Kakaýew adyndaky Halkara nebit we gaz uniwersiteti tarapyndan ýörite işlenilip düzülen milli programma üpjünçiligi arkaly toplanan ballaryň jemi boýunça olimpiadanyň şahsy we toparlaýyn ýeňijileri kesgitlenilýär.
Ýeňijiler: 1-nji, 2-nji we 3-nji derejeli diplomlar bilen sylaglanar.
Ýeňijileriň umumy sany gatnaşyjylaryň 50%-den geçmeli däldir.
Olimpiadanyň ýeňijileri barada maglumat uniwersitetiň https://iogu.edu.tm/en/articles/53 web sahypasynyň ýörite bölüminde ýerleşdiriler.
Olimpiadanyň geçişine “Zoom” programmasyna birikdirilen kameralar arkaly gözegçilik alnyp barlar.
Habarlaşmak üçin tel: 39-14-57 (el.tel.: +99365-62-59-33), 39-13-36 (el.tel.: +99365-67-51-31), 39-13-18 (el.tel.: +99364-02-25-21).
E-mail: hngu.olimp@gmail.com
Bäsleşigiň düzgünnamasy bilen TBM-niň resmi web sahypasynda tanşyp bilersiňiz.
ORIENT
