“Türkmengaz” DK-niň Ylmy-barlag tebigy gaz institutynyň düzüminde Maglumat-seljeriş merkezi açyldy
2025-nji ýylyň 26-njy martynda “Türkmengaz” Döwlet konserniniň Ylmy-barlag tebigy gaz institutynyň düzüminde Maglumat-seljeriş merkezi açyldy. Bu merkez Türkmenistanyň energetika pudagynyň durnukly ösüş ýolunda möhüm ädim bolup, energetika babatda ylmy barlaglaryň we derňewleriň geçirilmegi üçin mümkinçilikleri üpjün etdi.
Merkez Ýewropa Bileleşigi we Germaniýanyň halkara hyzmatdaşlyk boýunça jemgyýeti (GIZ) tarapyndan maliýeleşdirilýän “Türkmenistanyň ýaşyl ösüşi: 2024-2028-nji ýyllar üçin syýasy dialog we howa bilen baglanyşykly hereketler” atly Ýewropa Bileleşiginiň taslamasynyň çäklerinde satyn alynan häzirki zaman IT-enjamlar bilen enjamlaşdyrylan.
Merkeziň açylmagy hünär kämilleşdiriş we seminar maksatnamalary arkaly “Türkmengaz” DK-niň hem-de Ylmy-barlag tebigy gaz institutynyň hünärmenleriniň taýýarlygyny ep-esli derejede ýokarlandyrmaga mümkinçilik berer.
ORIENT
