Hytaý ŞHG-a agza ýurtlarynyň arasynda hyzmatdaşlygy ösdürmek üçin birnäçe çäreleri guraýar
Hytaý 2025-nji ýylda Şanhaý hyzmatdaşlyk guramasyna (ŞHG) agza ýurtlarynyň arasynda hyzmatdaşlygy ösdürmek üçin birnäçe çäreleri işjeň guraýar. 2025-nji ýyl bu guramanyň çäklerinde “Hytaýyň ýyly” diýlip yglan edildi. Bu barada Hytaýyň CGTN halkara habarlar teleýaýlymy habar berýär.
Güýzde Týanszinde Şanhaý hyzmatdaşlyk guramasynyň sammiti geçirilmegi meýilleşdirilýär. Hytaýyň daşary işler ministriniň kömekçisi Lýu Bin häzirki wagtda bu çärä taýýarlyk işleriniň güýçli depginde alnyp barylýandygyny aýtdy. Sammitiň çäklerinde möhüm halkara we sebit meseleleri ara alnyp maslahatlaşylar, şeýle hem öňdäki 10 ýyl üçin hyzmatdaşlyk meýilnamalary işläp taýýarlanylar.
Mundan başga-da, Hytaý kinofestiwal we Global dolandyryş boýunça tegelek stoluň başynda dialog ýaly birnäçe çäreleri geçirmegi göz öňünde tutuýar. Munuň özi ŞHG-a agza ýurtlarynyň arasynda tejribe alyşmaga we gatnaşyklary pugtalandyrmaga itergi berer.
Şeýle başlangyçlar ykdysadyýet, howpsuzlyk we medeni alyş-çalyşlar ýaly ugurlar boýunça özara düşünişmegi we hyzmatdaşlygy çuňlaşdyrmaga gönükdirilendir.
ORIENT news
