Türkmenistanda yssy howanyň peselmegine garaşylýar
Mart 20, 2025 | 11:30 |3739
Türkmenistanyň welaýatlarynda yssy howanyň peselmegine garaşylýar. Howa hünärmenleri ýokary howa görkezijileriniň eýýäm şü günden, ýagny 20-nji martdan peselip ugrajakdygyny çaklaýarlar.
Mundan başga-da, 20-24-nji mart aralygyndaky günlerde welaýatlaryň köpüsinde dürli güýçlükdäki ýagyşlar ýagar, käbir ýerlerde güýçli çabgalaryň ýagmagyna we ýyldyrymyň çakmagyna garaşylýar.
Ýurda birnäçe gün mundan ozal aralaşan yssy howanyň eýýäm rekord görkezijilerine ýetendigini bellemeli. 18-nji martda Aşgabat şäherinde howa +33,3 gradus derejesine ýetip, 1974-nji ýylyň iň ýokary görkezijisi bolan +30,1 gradus derejesinden hem geçdi. Çyglyk derejesi 7 % çenli peseldi.
ORIENT news
