Aziýanyň ösüş bankynyň Türkmenistandaky wekiliýeti boş iş orny barada habar berdi
Aziýanyň ösüş banky Arkadag şäherinde suw üpjünçilik we suw aýyryjy ulgamlary barlamak hem-de döwrebaplaşdyrmak üçin halkara we milli maslahatçy wezipesine dalaşgärleri gözleýär. Bu barada Aziýanyň ösüş bankynyň Türkmenistandaky Hemişelik wekiliýeti habar berýär.
Hususan-da, suw üpjünçilik we suw aýyryjy ulgamlary boýunça halkara hünärmen hem-de suw üpjünçilik we suw aýyryjy ulgamlary dolandyrmak boýunça milli kömekçi wezipeler hödürlenilýär.
Olaryň wezipeleri amallar bilen baglanyşykly meseleleri ýüze çykarmakdan, suwy gaýtadan ulanmak mümkinçilikleri seljermekden we yklmymyň içindäki ýurduň şertlerine uýgunlaşdyrýan innowasion, durnukly çözgütleri işläp taýýarlamakdan ybarat.
Maslahatçylar dünýäniň iň gowy tejribelerini öwrenerler we olardan peýdalanarlar, gyzyklanma bildirýän taraplar bilen hyzmatdaşlyk alyp bararlar hem-de geljekde şäher infrastrukturasyna maýa goýumlary üçin amaly maslahatlary hödürlärler.
Arzalary tabşrymagyň soňky senesi – 2025-nji ýylyň 25-nji marty. Isleg bildirýänler arzalaryny aşakdaky salgylar boýunça tabşyryp bilerler:
National Water Supply & Wastewater Management Assistant
https://selfservice.adb.org/OA_HTML/OA.jsp?OAFunc=XXCRS_CSRN_PROFILE_PAGE&selNo=208982
ORIENT news
