Sportuñ intellektual görnüşleriniñ Aziýa birleşigi döredildi
Aziýada sportuñ intellektual görnüşlerini we kibersporty ösdürmek maksady bilen, sportuñ intellektual görnüşleriniñ Aziýa birleşigi (AMSA) döredildi.
Ony döretmek baradaky karar Bangkokda 29 ýurduñ wekilleriniñ gatnaşmagynda geçirilen esaslandyryjy ýygnagynda kabul edildi. Gazagystanyñ Milli olimpiýa komitetiniñ Baş sekretary Alimžan Akaýew Birleşigiñ wise-prezidenti hökmünde saýlanyldy. Ol Merkezi Aziýanyñ adyndan wekilçilik eder.
Sportuñ intellektual görnüşleriniñ Aziýa birleşiginiñ esasy maksatlary Aziýa ýurtlarynyñ sport federasiýalarynyñ arasynda özara gatnaşyklaryñ ösdürilmegini hem-de sportuñ intellektual görnüşleri babatda möhüm netijelere ýetmekligi öz içine alýar. Birleşik Aziýanyñ Olimpiýa Geñeşiniñ ýolbaşçylygynda işläp, aziýa ýaryşlaryny guramak, intellektual sporty we kibersporty ýaýbañlandyrmak bilen meşgullanar.
Täze edaranyñ başlygy hökmünde Aziýanyñ Olimpiýa Geñeşiniñ wise-prezidenti Gordon Tang bellenildi. Birleşigiñ ştab-kwartirasy Singapurda ýerleşer.
Ýygnakda onuñ Düzgünnamasy hem tassyklandy.
ORIENT news
