ÝHHG Türkmenistanyň Döwlet serhet gullugynyň kinologlary üçin gözükdirijileri taýýarlaýyş okuwlaryny geçirdi
Türkmenistanyň Lebap welaýatynyň Çärjew etrabynyň Farap şäherinde Ýewropada howpsuzlyk we hyzmatdaşlyk guramasynyň (ÝHHG) Türkmenistanyň Döwlet serhet gullugynyň kinologlary üçin gözükdirijileri taýýarlaýyş okuwlary açyldy. Bäş günlük okuwlara 24 adam, şol sanda serhetçi-kinologlar, weterinarlar we itçilik boýunça hünärmenler gatnaşýar.
Bu okuwlar Ýewropa Bileleşigi tarapyndan maliýeleşdirilýän Merkezi Aziýada we Owganystanda serhetleri dolandyrmak maksatnamasy (BOMKA-10) bilen ýakyn hyzmatdaşlykda guraldy. Ol Türkmenistanyň ähli welaýatlarynda geçirilen bäş okuwyň iň soňkysydyr.
Okuwlary geçirmek üçin Aşgabatdaky ÝHHG-niň Merkezi iki sertifisirlenen bilermen-kinologlaryny we milli weterinar-kinologyny çagyrdy.
Öwrediji okuwlar gulluk itleriň ukyplary, kinologiýa tärleri we itlere tälim bermek strategiýalary barada çuňlaşdyrylan bilimleri almaga mümkinçilik berer.
Gatnaşyjylar Aşgabatdaky ÝHHG-niň Merkezi bilen Türkmenistanyň kinologiýa hünärmenleri bilen bilelikde taýýarlan itleri taýýarlamak boýunça okuw gollanmasy bilen hem tanyşdyryldy. Anyk ýagdaýlara esaslanan gollanma gözükdirijilere, tälimçilere we it eýelerine gulluk itleriň başlangyç taýýarlyklary we olara ideg bermek boýunça maksatnamany hödürlemäge niýetlenendir.
Bilermenler bilen bilelikde gatnaşyjylar gulluk itleriniň ýeterli beden we emosional ýagdaýynyň üpjün edilişi, olara ilkinji kömegiň berilişi we itlere degişli ideg berilişi bilen baglanyşykly meseleleri ara alyp maslahatlaşarlar.
ORIENT news
