Türk kompaniýalary Türkmenistanda 50 mlrd dollar möçberinde 1000-den gowrak taslamalary amala aşyrdylar
Garaşsyzlygyny alandan soñra, Türkmenistan möhüm özgertmeleri başdan geçirip, türk gurluşyk kompaniýalary şeýle üytgetmelerde esasy orun eýeledi. Türkmenistandaky Türkiýäniñ Adatdan daşary we Doly ygtyýarly ilçisi Ahmet Demirokyñ habar bermegine görä, Türkmenistanyñ garaşsyzlygyna eýe bolanyndan bäri türk kompaniýalary 50 mlrd dollar möçberinde 1000-den gowrak taslamalary tamamladylar.
"Biz kompaniýalarymyza bildiren şeýle ynamy üçin Türkmenistanyñ hökümetine sag bolsun aýdýarys" - diýip, Ilçi belledi. Türk kompaniýalary elektrik beketler, elektrik energiýany geçiriş we bölüş ugurlary, awto ýollar, ýaşaýyş toplumlar, söwda merkezleri, uniwersitetler, mekdepler, myhmanhanalar, fabrikler, kanallar, muzeýler we beýleki desgalar ýaly iri infrastruktura taslamalaryny amala aşyrdylar.
2024-nji ýylda türk kompaniýalaryna 216 mln dollar möçberinde potratçy taslamalar berildi. Ozal başlanan taslamalara goşmaça, häzirki wagtda 4 mlrd dollar möçberinde 25 sany taslamalar dowam etdirilýär.
Ozal habar berişimiz ýaly, 2024-nji ýylda Türkmenistan bilen Türkiýäniñ arasynda söwda dolanyşygy 2 mlrd dollardan gowrak boldy.
ORIENT news
