Gazagystanda 100-e golaý türkmen maýaly kompaniýalar işleýär
Gazagystan Respublikasynyñ daşary işler ministri, premýer-ministriñ orunbasary Murat Nurtleu Gazagystan bilen Türkmenistanyñ üstaşyr babatda bilelikdäki möhüm taslamalary barada aýtdy diýip, Kazinform habar berýär.
Gazagystanda türkmen maýasynyñ gatnaşmagynda 100-e golaý kompaniýalar işleýär. Gatnaşyklarymyzyñ ýene bir möhüm bölegi bolan üstaşyr-ulag aragatnaşyklara aýratyn üns berýäris. Bu babatda strategiki hyzmatdaşlygyñ ýola goýlandygyny hoşallyk bilen bellemek bolar - diýip, Tütkmenistanyñ daşary işler ministri, Ministrler Kabinetiniñ başlygynyñ orunbasary Raşid Meredow bilen geçirilen gepleşikleriniñ netijeleri boýunça metbugat üçin bilelikdäki beýannamada Murat Nurtleu belläp geçdi.
Onuñ aýtmagyna görä, "Aziýa-Ýewropa", "Aziýa-Ýakyn Gündogar" ugurlarynyñ içerki bazarlaryny birleşdirýän ýollaryñ ösdürilmegi döwletlerimiziñ halkara bileleşigindäki orunlaryny pugtalandyryp biler.
Munuñ bilen birlikde, Gazagystan-Türkmenistan-Eýran demir ýolunyñ artykmaçlyklarynyñ netijeli ulanylşy möhüm strategiki ädimleriñ biri bolar. Şu günki gün Hytaý-Gazagystan-Türkmenistan-Eýran demir ýolunyñ geljegi uly bolup, onuñ ösdürilmegi özara bähbitli bolup durýar hem-de halkara söwdasyna täze itergi berýär.
Gazagystanyñ, Türkmenistanyñ we Russiýanyñ demir ýol guramalarynyñ üçtaraplaýyn özara gatnaşygyny giñeltmek boýunça bähbitlerimiziñ birikýän ýene bir transyklym başlangyjy Demirgazyk-Gündogar geçelgesiniñ çäginde amala aşyrylýar. Bu jähtleriñ ählisini biz şu ýyl geçiriljek üstaşyr we logistika baradaky iş toparynyñ nobatdaky mejlisinde ara alyp maslahatlaşarys" - diýip, Gazagystanyñ DIM-niñ ýolbaşçysy belledi.
