Coca-Cola düzümine hloratyň düşüp bilen içgilerini yzyna gaýtaryp alýar
Coca-Cola kompaniýasy Ýewropanyň bazarlaryndan düzüminde hloratyň ýokary görkezijileri bar bolan içgilerini dolulygyna yzyna gaýtaryp alýar. Hlorat – himiki önümi bolup, onuň köp mukdarda bolmagy galkan görnüşli mäzlere ýaramaz täsir edip bilýär.
Geçen güýzde konserniň Belgiýa, Niderlandlara, Lýuksemburga satuwa iberen koka-kola we beýleki içgileri bolan demir we çüýşe gaplary öndürijiniň üns merkezindedir.
Ýewropa Bileleşiginde iýmit önümleriň düzüminde rugsat berilýän hlorat derjesini kesgitleýän düzgünler hereket edýär. Coca-Cola Europacific Partners wekili Euronews Health bilen söhbetdeşliginde garaşsyz ekseprt seljerişine laýyklykda, “adamlar üçin howpyň ähtimallygy örän pesdir” diýip habar berdi. Häzirki wagtda kompaniýanyň adyna alyjylardan hiç hili şikaýatlar gelmedi.
Hlorat uzak wagtlaýyn ulanyşda howplydyr, sebäbi bedende ýoduň özleşdirilmegine päsgel berýär. Bir gezeklik we gysga möhletleýin ulanyşy saglyga zyýan getirmez diýip, lukmanlar tassyklaýar.
Yzyna gaýtaryp alynmaga degişli bolan içgileriň 328 GE-den 338 GE-e çenli önümçilik kodlary bar. Bu sanlary gazlandyrylan içgili demir gabyň düýbünde ýa-da çüýşe gabyň bokurdagynda tapyp bolar.
Le Monde gazeti Ýewropa komissiýasynyň maglumatlaryna salgylanyp, hloratyň suwuň arassalanmagynda ulanylýan dezinfisirleýän serişdeleriň netijesinde iýmit önümlerine we içgilere düşýändigi barada ýazýar.
ORIENT News
