Natilus garyşyk ganatly uçary Boeing we Airbus-a garşy çykmana taýýar
Kaliforniýadaky Natilus atly aerokosmos başlangyjy Airbus we Boeing ýaly güýçli bäsdeşlerine garşy durup, Horizon atly garyşyk ganatly ýolagçy uçarynyň taslamasyny hödürledi. Ony täze diýip atlandyrmak ulaldylan bolar, sebäbi bu pikir geçen asyryň 20-nji ýyllaryndan bäri bardy we 70-nji ýyllarda ABŞ-nyň Harby howa güýçleriniň B-1 Lancer atly strategik bomba atyjy uçarynda bölekleýin ulanylypdy.
Garyşyk ganatly uçaryň esasy artykmaçlygy, ganat bilen uçaryň gabarasy bilen birleşýän ýeriniň bolmazlygydyr. Bu bolsa howa garşylygyny peseldip, tutuş uçaryň korpusy arkaly ganatlara göteriji güýjüni artdyrýar. Şeýle-de bu taslama ýük, ýangyç we ýolagçy üçin has köp içerki giňişlik döredýär.
Horizon uçary, ýangyjy üçden bir az sarp edip, 200 ýolagçy gatnadyp biler, zyýanly zyňyndylary bolsa iki esse azaldar. Içerki göwrümi 40% uly bolup, ol dar gabaraly Boeing-737 we Airbus A320 bilen bir kategoriýada bolar.
Bilermenler häzirki wagtda Boeing-iň kynçylyk çekýändigini nazara alyp, Natilus-yň raýat uçarlary bazarynda üstünlik gazanmak mümkinçiliginiň ýokarydygyny aýdýarlar.
ORIENT
