Türkmenistan we Gazagystan ýokary okuw mekdepleriñ arasyndaky hyzmatdaşlygy ösdürýärler
Astanadaky Türkmenistanyñ Adatdan daşary we Doly ygtyýarly ilçisi Batyr Rejepow Gazagystanyñ Prezidentiniñ ýanyndaky Döwlet dolandyryşy akademiýasynyñ rektory Ýerlan Abil bilen duşuşyk geçirdi. Bu barada türkmen diplomatik wekiliýetiniñ metbugat gullugy habar berdi.
Türkmen diplomaty we ýokary okuw mekdebiniñ rektory Gazagystanyñ Prezidentiniñ ýanyndaky Döwlet dolandyryşy akademiýasynyñ hem-de Türkmenistanyñ DIM-niñ Halkara gatnaşyklar institutynyñ arasynda Özara düşünişmek hakyndaky Ähtnamany durmuşa geçirmegiñ çäklerinde geljekki işler barada pikir alyşdylar. Rejepow Abili "Halkara parahatçylyk we ynanyşmak ýylyñ çäklerinde Türkmenistanyñ ileri tutýan ugurlary boýunça geçiriljek çäreleriñ Konsepsiýasy" bilen tanyşdyryp, onuñ BMG-niñ Düzgünnamasynyñ esasy maksatlaryny we ýörelgelerini açyp görkezýändigini belledi.
Ýerlan Abil tejribe alyşmak, bilelikdäki ylmy-barlaglary we çäreleri geçirmek üçin ýokary okuw mekdepleriñ wekiliýetleriniñ ikitaraplaýyn saparlaryny guramagy teklip etdi. Şeýle hem, taraplar "Halkara parahatçylyk we ynanyşmak ýylynyñ" çäklerinde Astanada "Türkmenistan-Gazagystan: strategiki hyzmatdaşlyk" atly mowzuk bilen bäsleşik geçirmek barada ylalaşdylar.
ORIENT News
