Turkish Airlines täze ugurlar we goşmaça gatnawlar barada habar berdi
Dünýäniñ iri awia daşaýjylarynyñ biri bolan Turkish Airlines öz ugur toruny giñeltmegini we gatnawlaryñ sanyny köpeltmegini dowam etdirýär. 2025-nji ýylda ýolagçylar, korporasiýa hyzmatdaşlary hem-de resmi agentler täze ugurlardan we goşmaça gatnawlardan peýdalanyp bilerler.
Täze ugurlar
Stambul-Damask-Stambul: gatnawlar 2025-nji ýylyñ 25-nji ýanwarynda başlaýar. Ýygylygy - hepdede 3 gezek.
Stambul-Orhid-Stambul: gatnawlar 2025-nji ýylyñ 30-njy ýanwarynda başlaýar. Ýygylygy - hepdede 4 gezek.
Stambul-Bengazi-Stambul: gatnawlar 2025-nji ýylyñ 14-nji ýanwarynda başlaýar. Ýygylygy - hepdede 3 gezek.
Gatnawlaryñ ýygylygynyñ köpeldilmegi
Stambul-Zagreb-Stambul: 2025-nji ýylyñ 30-njy ýanwaryndan gatnawlaryñ sany hepdede 21 çenli köpeldiler.
Stambul-Hurgada-Stambul: 2025-nji ýylyñ 30-njy ýanwaryndan gatnawlaryñ sany hepdede 10 çenli köpeldiler.
Turkish Airlines öz ulgamyny giñeltmegi dowam edip, syýahatlar üçin has amatly görnüşleri köpeltýär hem-de sebitleriñ arasyndaky aragatnaşygy pugtalandyrýar. Goşmaça maglumatlar awiakompaniýanyñ resmi saýtynda elýeterlidir.
ORIENT News
